Prishtinë – Ikona e muzikës shqipe, Nexhmie Pagarusha promovoi të premten në mbrëmje albumin e saj të parë në një nga restorantet e kryeqytetit. Albumi i saj i nxjerrë në shitje është bashkëpunim me restorantin Pishat, biznes ky që i ka dhënë rreth një dekadë përkrahje artit dhe kulturës.
Albumi përmban 15 hitet e pavdekshme të këngëtares, të cilat janë:
1. Çil’ nj’at zemër plot kujtime
2. Kanga e Rexhës
3. Kanga e Prishtinës
4. Kenke nur’ i bukuris
5. Kur më shikon si zog n’hava
6. Nji lule që m’ka çelë tash
7. Hajde të dalim kah pazari
8. Vaj si kenka ba dynjaja
9. Kanga e krushqve
10. Njëmend qenke si m’kanë than
11. Lul’zoi fusha lul’zoi mali
12. Kapiteni i ri
13. Kosovarja e re
14. Mori sy luaneshë
15. Baresha
Shumë figura të shquara të ekraneve tona e vlerësuan veprën dhe kontributin e bilbilit shqiptar, e s’lanë lëvdatë pa i dhënë.
Ylli i mbrëmjes me lot në sy përshkroi me plot emocion tetë dekadat e jetës së saj, duke thënë: “Jam munduar me gjithë shpirt të jap diçka nga vetja ime, duke mos e ditur se çfarë është fama, unë thjesht e doja këngën shqipe. Por vetëm sot e kuptova sa qenkam e famshme”.
Si raporton Indeksonline, mysafirë të kësaj nate ishin edhe presidentja Atifete Jahjaga, ministrja Vlora Citaku, këngëtaret Shpresa Gashi dhe Dafina Zeqiri e shumë të tjerë. (LajmeShqip.com)
Promovohet albumi i parë i Nexhmie Pagarushës
No comments:
Post a Comment