Zëvendës i ndihmësit të Sekretarit amerikan të shtetit, Philip Reeker shpreson që Serbia dhe Kosova do të arrijnë marrëveshjen e cila do t’iu mundësojë që të normalizojnë raportet e tyre dhe të vazhdojnë rrugën drejt integrimeve evropiane. “Besojmë se një marrëveshje e tillë është e mundur të të arrihet sepse të dyja palët kanë punuar në mënyrë konstruktive bashkërisht”, ka thënë Reeker për gazetën serbe “Danas”.
Ai ka thënë se nëse nuk ka marrëveshje, i mbetet BE-së që të përcaktojë se si Serbia dhe Kosova mund të vazhdojnë të realizojnë qëllimet e tyre për integrimin evropian. “Do të ishte një lëshim i rastit që të përmirësohet jeta e të gjithë qytetarëve në Kosovë, veçanërisht në veri, ndërsa raportet e Serbisë me Kosovën do të vazhdonin të kthenin resurset dhe kohën nga fokusimi në zhvillimin ekonomik dhe stabilitetin rajonal”, ka thënë Reeker.
Reeker ka thënë se SHBA-ja vazhdon të shpreh mbështetjen e plotë për dy kryeministrat në bisedimet që po zhvillohen nën mbikëqyrjen e BE, dhe këtë do të vazhdojnë ta bëjnë këtë.
Qëllimi i dialogut, sipas tij, është lehtësimi i normalizimit të raporteve ndërmjet Serbisë dhe Kosovës dhe t’iu mundësojë të gjithëve lëvizjen drejt të ardhmes stabile dhe prosperuese.
SHBA beson tek arritja e një marrëveshjeje mes Beogradit e Prishtinës
No comments:
Post a Comment